'n Bakkie met:

Met disse keer:

Jan van de Boertjes (Boertjes-Jan)

zozo, eindelijk steet Jan dan ONLINE !!

Wie waar’n oe va en oe mo?
Mien va was Boertjes-Jan (Dreierink), en mie moo was Diene Kok.

Woer kwam ze vot ?
 Mien va is hier geboor’n, en mie moo kwam uut Nijverdal

Hoe old bin ie noe ?
Ik worre volnd joar 55, ik bun noe 53. (Lachen)  In december jeurig.

Wat dooi daangs ?
Ik goa nog nen paar daang hen warken, en hier ’n betje um de duure kukker’n. Een betje met de koetsen bezig, met ’n tuin, en
de peere. Mien wark is bie Hekman, bakkerij-techniek, knooi’n, monteur, hef ok wa ’n betje met timmern te maak’n.

Hei doar vuur eleerd ?
Nee, oorspronkelijk bin ik timmerman.

Woerumme won ie nog steeds op’n Leggenbarg ?
Umdak nie vot te houwen binne..ha haa, ik bin nit vot te sloan. Is toch mooi plekkie, onie ?

Wat vor’n trekker heb ie ?
Ford 3000, Ferguson 135 en nog nen 35er, ’n eersten trekker van oons, he’k nog steeds. Den bink noe ant opknappen.

Woer mangs ze oe s’nachts vuur wakker maak’n ?
Oei, muk det vertel’n, nah, leever nit.
Mar as ze mie dan toch wakker maakt, dan mag Gerrie det doon, mar det dutte nooit.

Vertel es nen mooie strekke wai ooit hebt uute vrett’n ?
Noa,, ik heb weinig uutevrett’n, ik was altied braaf. Nie helemoal nen strekke, mar ik heb nen joar zonder rijbewijs jag, op’n
motor. Toe lag ik in’n diens, in Nunspeet. Ik had mie exaam’n al e haald mar ik had ut riebewies nog niet. Heul’n ze mie an,
de eeste keer dat ze mie an heuln. Toen mos ik ut riebewies loat’n zeen natuulijk. Ik had den van’n auto wa bie mie; den hak
a wa, mar ik zeuk’n in de tanktasse en ik dee net of ik um nit bie mie had. Ik zegge: Ik kan’t oe wa loat’n zeen op ‘t
politieburo in Riessen en doar bin’k toe hen ne goane met mie auto riebewies. Ik zegge ik mut mie riebewies loat’n zeen. Zie
hebt helemoal nit e vroag’n. Later hek ut nog oppehaald (motorrijbewijs) in Zwolle.

Woar bin ie vuur?(+motivatie)
 Riessen / Nijverdal /Hooltn

Riessen-Holten dach ik, Holten kom ie mak’lukker tussen, tussen ’t volk, iets gemoedelijker, Riessen is iets stugger.

Sloaboonen / Sloa / Andievie
Sloa

Kloompe / Sandaaln / Leerzen
Leerzen

Fietse / Trekker / Auto
Ligt er an woer ik hen murre, ik vin alledree mooi. Ik mag ok wa graag fietsen.

Nit te veer?
Noa week nit. Wie hebt wal is daw zo 45 km fietst. Veult best met, as ut ma mooi weer is. Mar de wichter woln nooit met.
Ik heb één keer in de leiding e fietst en de wichter mar bekken.

Computer / Televisie / Kraante
Televisie. Kraante hew in principe vuur de advertenties. At d’r is eene dood is of zo. Det is belangrijk. Ik heb al is é had
met mie va. Da’k op de peeremark leupe dat ze vreug’n hoe is ut met oe va?  Toen was mie va allange begreem’n. Non det is
vuur allebeide moeilijk. Mar de kraante is eiglijk vul te duur en hee wut steeds dunder. Advertenties stoat allemoal op de
computer; in de kraante steet niks meer in. Wie hebt ok wal is op de computer e kek’n mar de wekke later steet d’r nog
steeds ut zelde op.

Bieflappe / Karbonade / Halven haan
Karbonade.

Beeste / Vaarkns / Kipn
Koei’n.

Wat is oe hobby?
Det bint miene peerden, en de koetsen restaureren. Ik bin bie de koetsenkearls in Holten.

Wat is oe liefssprukke?
Heb ik nie….

Wat is ’n grutsen blunder waj ooit maakt hebt?
Det hek volns mie nie maakt. (Gerrie weet d’r volgens oons nog wa eene mar zeg: ik bemeuie mie d’r nit met)

Hei wal is wat vremds mettemaakt op ’n Leggenbarg?
Oei…ik kant mie zo nie veursteln. nee, nie dak mie herinnern kanne.

Mis ie wat op ’n leggenbarg?
(Gerrie zeg glasbak)
Jan: Joa nen glasbak, eiglijk wa: Kan mooi bie de weend stoan, of bie nen kiekert.

Woar stoor ie oe an op’n leggenbarg ?
Ik stoor mie eiglijk nerns an, zie jaagt mangs wal hard hier.(Plagend:) Dut Plakkie ok,,, mar Plakkie stek de haande nog op.
Mar ut lek ok mangs harder dan’t is. Zie hebt laats bie Abbink ok nog wa met ’n lasergun e stoane mar toen veult nog hat met.
Denk ie kump der wie eene an scheurn ma toe veult ech met. Soms jaagt ze wa ech hat. Laats nog 3 motoren.

Wat vin ie van dit vroag gesprek ?
Wal aardig. ja. Ik heb der nit teeg’n op ‘e zeene.

Bint wie nog wat vergett’n te vroang ?
Nee, ik zolt nie weten.

Bie wie mut wie de volgende keer wean um te vroagn ?
Doar hek oaver noa é dag, Det word Wendy van Kattenslachter: Nijland.

Bedaankt vuur dit vroag gesprek, het kump der wal op te stoan

Geef een reactie

Het e-mailadres wordt niet gepubliceerd. Vereiste velden zijn gemarkeerd met *

Carbid Pleern

Op Old joarsdag

Kom ie ook kiek'n?